LALÍN ACOLLE ESTA FIN DE SEMANA O CAMPIONATO GALEGO DE VETERÁNS E A FASE FINAL DA 2ª INFANTIL MASCULINA
Hoxe no Lalín Arena o Club Balonmán Lalín presentaba a Fase Final da 2ª Infantil masculina e o Campionato Galego de Veteráns que acollerá esta fin de semana.
A Competición base levarase a cabo durante os días 24,25 e 26 de Maio. O BM Lalín como anfitrión recibe ao S.A.R. de Redondela, ao EM Abegondo e por último ao BM Lucus.
Pola outra banda, o Lalín Arena tamén será testemuña do Campionato Galego de Veteráns, que se disputará nunha única xornada o sábado 25. Nel participarán o BM Lalín coma locais, Veteráns Pontevedra, Asmubal Meaño, ADC Lugo, Balonmán Cañiza, BM Ferroltera, Rasoeiro BM, Bueu Atlético e os Amigos do BM Ourense.
Desexámoslle moita sorte a todos na búsqueda do campionato da categoría!
Animádevos a disfrutar do que presenta ser unha fin de semana chea de emocións e balonmán.