Federación Galega de Balonmán
12/07/2018 às 22:03
Galicia, cunha gran defensa, vence á Republica Dominicana en Bueu
Segundo partido e segunda vitoria para Galicia fronte á República Dominicana. O partido celebrouse hoxe na localidade de Bueu, cunha moi boa entrada.
O partido foi dominado de principio a fin polo combinado galego, no que os porteiros estiveron a un espectacular nivel. No primeiro período a portería foi defendida por Adrián Boullosa e no segundo por Jorge Villamarín.
No primeiro tempo a defensa do equipo de Quique Domínguez (5-1), provocou moitos problemas ao equipo dominicano, comandado desde o banco polo gran Rolando Uríos. Esta defensa presionante veuse reflictida en numerosas perdas de balón na súa circulación en ataque posicional. As continuas rotacións no bando galego permitiron manter en todo momento a intensidade e a diferenza no marcador ata o final. Só mediada a segunda metade houbo un achegamento no marcador propiciado por un par de perdas de balón dos galegos, pero en ningún caso fixeron temer pola vitoria.
No plano golpeador destacaron, unha vez máis, Manu Martínez ( Acanor Novás) por parte galega e Maicol Bera pola República Dominicana, ambos con 6 goles.
