Cisne alevín e CP Lucense benxamín proclamáronse campións galegos de clubs
BM Cisne alevín e o CP Lucense benxamín proclamáronse o sábado 1 de xuño en Lalín campións galegos de clubs.
Como todos os anos, este campionato reuniu aos mellores clubs na base do balonmán galego e viviuse no Lalín Area unha xornada deportiva e de convivencia entre nenas e nenos de toda Galicia, na que tamén estiveron presentes as súas familias.
Na categoría alevín o BM Cisne logrou o título tras lograr a vitoria nos tres partidos disputados, mentres que a segunda posición foi para o BM 7 Culleredo Tarrío. O Plaza Carballiño de Ourense ocupou a terceira posición e o CP Lucense foi o cuarto clasificado.
Na categoría benxamín o triunfo foi para o CP Lucense, que tamén venceu nos tres partidos, No primeiro impúxose ao Lalín Montefaro Electricidade e despois ao Bm Culleredo O Burgo e Bm. Pabellón Vistahermosa. Así o título foi para o CP Lucense, co Lalín Montefaro Electricidade na segunda posición; o Culleredo de terceiro e o Pabellón, no cuarto posto.
Noraboa a tod@s por ofrecernos esta xornada na que a convivencia e a amizade foi tan importante como o deporte!!!