A selección galega absoluta feminina perdeu na prórroga a semifinal do IV Nacións

A selección galega absoluta feminina caeu derrotada na prórroga e pola mínima ante Cataluña na primeira semifinal do Torneo IV Nacións, que se está a disputar en Elgoibar (Euskadi) esta fin de semana. As galegas tiveron un 7 metros para empatar o partido co tempo xa rematado, pero a portería catalá detivo o lanzamento (32-31).

A igualdade no marcador foi a tónica do partido. Galicia comezou a primeira parte tratando da ti a ti a unha gran selección catalá. Pese a todo, na primeira parte, as galegas  estiveron 2 ou 3 goles abaixo no marcador. Terminou a primeira parte 18-16.

No inicio da segunda, Galicia estivo moi seria en defensa e moi rápida na contra, o que tivo reflexo no marcador, xa que se voltou favorable ás nosas xogadoras con distancias curtas de dous ou tres tantos.

Nos últimos minutos da segunda parte, Galicia pagou moi cara unha discutible exclusión de Estela. Deste xeito Cataluña foi capaz de empatar e chegar á prórroga. O cansazo acumulado das galegas cada vez ía minguando máis ao equipo. A falta de 15 segundos un roubo de balón das galegas e un rápido contragolpe permitiulles forzar o último 7 metros do encontro. A porteira do Cataluña, moi acertada durante todo o partido, conseguiu parar a pena máxima e Galicia perdeu 32-31.

Garra, corazón e loita son os cualificativos das galegas!