Federación Galega de Balonmán
31/05/2019 alle 07:21
Testa

O 2 DE XUÑO CELEBRARASE EN VIGO O DÍA DO BALONMÁN NA RÚA CON PRETO DE 2.000 ASISTENTES

O domingo 2 de xuño celebrarase en Vigo a  duodécima edición do Día do Balonmán na Rúa, que é a festa de clausura das Escolas Deportivas da Federación Galega de Balonmán e a Deputación provincial de Pontevedra da tempada 2018/19. Na edición deste ano hai 145 equipos inscritos, uns 20 árbitros, disputaranse  293 partidos e contaremos cuns 2.000 nenos e nenas das diferentes escolas deportivas e clubs da provincia.

Durante a xornada lúdico-deportiva, que comezará ás  10:30 horas, os rapaces (de idades comprendidas entre os 7 e os 14 anos) disputarán case 300 partidos   das categorías prebenxamín, benxamín, alevín (mixto) e infantil masculino e feminino nos 11 campos dispostos ao longo da rúa Areal. Ao finalizar a competición (18:30 horas, aproximadamente) celebrarase o acto de clausura no que se procederá á entrega dunha medalla conmemorativa a todas e todos os xogadores participantes no Balonmán na Rúa. Como todos os anos hai que destacar a colaboración das e dos árbitros galegos, que participan de forma desinteresada neste evento.

Ademais da actividade deportiva, este evento tamén ten unha vertente de ocio, polo que haberá inchábeis para as e os rapaces asistentes, así como unha actuación musical.

O Día de Balonmán na Rúa é o broche de ouro ás Escolas Deportivas da Deputación Provincial, que se celebran entre os meses de outubro e maio. Dende hai doce anos a Federación Galega de Balonmán conta co patrocinio da Deputación para a celebración destas escolas, que achegan o balonmán aos máis pequenos.

0 Mi piace · 0 Commenti

Mi piace
Seguite tutte le notizie riguardanti la competizione sui vostri iPhone o Android
Entra in contatto con l'organizzatore
Inviare messaggio

Il tuo browser non era in grado di caricare tutte le risorse del nostro sito. Questo é probabilmente dovuto ad un firewall o una proxy o una impostazione del tuo browser.

Puoi premere Ctrl + F5 or Ctrl + Shift + R per forzare il tuo browser a caricarle. Se non funziona, prova a usare un altro browser o contatta il tuo amministratore di sistema o ISP per risolvere il problema.