Federación Galega de Balonmán
26/06/2017 aux 22:09
Tête

Víctor Rodríguez: "Gañar o Europeo foi o colofón a todo o traballo que estabamos a facer, algo único e especial"

O galego Víctor Rodríguez inda estaba onte asimilando o triunfo do día anterior: Ese título de campión de Europa de balonmán praia conseguido con España en Croacia nunha final memorable contra Rusia.

Víctor recordaba a final como interminable: "Estivo bastante igualada, sobre toda a segunda parte. Na primeira estivemos ben en defensa e ao final fómonos de catro ou seis puntos e ganamos, entre comiñas, tranquilamente. O segundo set estivo moi disputado. Foi moi longo, parecía que non se acababa nunca o partido. Ao final decidiuse no gol de ouro e tivemos a sorte de marcalo, que a sorte tamén é necesaria. Poder conseguir o ouro no Europeo foi unha sensación incrible, non sabería nin como describirlo. Foi poñer o colofón a todo o traballo que estabamos a facer. Algo moi bonito e especial".

O vigués, que xa participara o pasado ano con España no Mundial -no que remataron na quinta posición- sentiuse moito máis protagonista neste Europeo: "O ano pasado tiven a sorte de xogar o Mundial pero con pouca participación. Este ano xoguei bastante e en posicións variadas. Iso é o que che pide o seleccionador, que aínda que teñas a túa posición específica, podar aportar noutros postos. É moi importante ter polivalencia e saber desenvolverse noutras posicións. Estou moi contento porque xoguei moito máis, en diferentes posicións e foi unha experiencia moi positiva".

O Europeo foi case perfecto para a selección española e así o manifesta o galego, quen sinalou que "non podería destacar ningún aspecto negativo, en todo caso, as lesións previas que tivemos durante a preparación, porque sempre é duro ver como se lesiona un compañeiro". O resto, todo perfecto, pero sobre todo, o grupo formado: "Gañamos todos os partidos menos un contra Hungría, con bo xogo... Ademais o grupo que temos aquí é incrible, formamos unha familia. Cada un deixao todo polo seu compañeiro e iso é moi difícil de conseguir".

 

E iso a pesar de que na preparación do Campionato as cousas se complicaron polas lesións de varios deportistas, pero o equipo sacou carácter: "Non só fomos quen de superalas, senón que nos convertiu nun equipo máis competitivo. Isto demostra que o equipo que temos é moi grande, que soubemos facer ben as cousas, competir nos momentos complicados, que é cando se mostran os grandes conxuntos".

Víctor apostou polo balonmán praia empurrado polos amigos e agora recoñece que está enganchado: "Comecei no balonmán praia igual que en pista, polos amigos. Creo que cando era cadete nun verán, me convidaron  a xogar un partido de balonmán praia,e dende entón... É un deporte moi atractivo, dinámico, moi bonito de ver e de xogar, e acabas enganchando".

0 J'aime

J'aime
Suivez toutes les informations concernant la compétition sur votre iPhone ou Android

Votre navigateur n'a pas été en mesure de charger toutes les ressources de notre site internet, il est probable qu'elles aient été bloquées par un firewall, un proxy, une extention ou par la configuration de votre navigateur.

Vous appuyer sur Ctrl + F5 ou Ctrl + Shift + R pour forcer votre navigateur à les charger de nouveau. Si cela ne fonctionne pas, utilisez un navigateur différent, ou contactez votre fournisseur internet pour résoudre ce problème.