O galego Víctor Rodríguez, na convocatoria da selección española de balonmán praia

O vigués Víctor Rodríguez (BM Painkillers) foi convocado polo seleccionador nacional Jaime Osborne para a concentración que realizará a selección nacional de balonmán praia do 5 ao 9 de xuño en Torrox (Málaga). Esta concentración é moi importante, xa que ao remate da mesma o seleccionador dará a coñecer os nomes dos dez integrantes da selección que disputará o Campionato de Europa en Zagreb (Croacia) do 20 ao 25 de xuño. Na fase preliminar España xogará contra Rusia, Dinamarca, Holanda, Polonia, Alemaña e Hungría.

No documento adxunto tedes a convocatoria e o plan de traballo da selección española masculina de balonmán praia.