Federación Galega de Balonmán
02/05/2019 a las 07:49 · 2ª AUTONÓMICA MASCULINA
Cabecera

XALLAS E PONTEDEUME XÓGANSE O ASCENSO DIRECTO A 1ª AUTONÓMICA MASCULINA GALEGA

Este sábado día 4 (18:30 horas) o pavillón polideportivo da Casqueira (Pontedeume) será testemuña do encontro clave da Segunda Autonómica Masculina, onde o BM Pontedeume e o Xallas buscarán o ascenso á primeira categoría galega na última xornada da competición.

O BM Pontedeume  afronta o partido con gran ilusión  e pensando nas súas raíces. Un club cheo de tradición na comarca do Eume e Ferrolterra, que xa militou bastantes tempadas na primeira galega.  O adestrador Jose Deus dinos que “temos unha afección consolidada que nos apoia dende os comezos do club, e quero destacar que o esforzo vai por eles”.

A nivel deportivo, o BM Pontedeume é un conxunto diverso, combinando xogadores experimentados cun gran número de xente nova que está a dar os seus primeiros pasos na categoría sénior. Contan cun proxecto a largo prazo e confían nesta nova xeración.

Por estes motivos o adestrador declara que o ascenso non é o prioritario en principio, máis as circunstancias da tempada déronse así. Un conxunto que ven con forza dende atrás, mentres que o Xallas fixo xa unha boa tempada dende o inicio. “Os últimos partidos notamos que o noso rival ven acusando a duración da competición, máis a un só partido é diferente, trátase dunha final, e como tal, todo pode pasar” añade Deus.

Para finalizar dinos que só pensan en facer un bo partido, tal e como veñen amosando nas últimas xornadas, e sen maior presión ca de darlle unha alegría a súa afección. “Estamos orgullosos dos nosos xogadores, déronno todo e só nos queda un pequeno-gran paso. Sabemos que o Xallas é un bo rival, así o demostraron todo o ano.”

Por parte do conxunto xalleiro saben que será un encontro tan duro como bonito de xogar. Víctor Garrido, dirixente do equipo, dinos que “é moi emocionante xogarte a vida na última xornada e inda que é certo que non viaxamos no noso mellor momento de xogo, nin coa plantilla ao completo, queremos conseguir aquelo polo que levamos loitando tantos meses”.

Coñecen ao conxunto do BM Pontedeume e saben que xogar na súa casa con algo tan importante entre mans non vai ser nada doado. Un equipo que, como xa decía o seu adestrador conta con veteranía e xuventude, ademáis de con lanzamento exterior, bo xogo con pivote, extremos que finalizan ben… en resumo, e en palabras de Garrido, "un equipo completo, que defende moi ben en 6:0, con xente moi grande no centro".

Pola súa banda o Xallas fai fincapé en que teñen que ir moi centrados. “Somos un equipo xoven, dende os xogadores ata min mesmo como adestrador, e queremos aproveitar a ilusión e fame de logros importantes que hai no vestiario. Debémoslle unha alegría a nosa afección polo encontro de Poio, e se hai un día para devolverlle o apoio amosado é esta fin de semana en Pontedeume” remata.


Moita sorte a ambos conxuntos!

3 Me gusta · 0 Comentarios

Me gusta
Sigue toda la información de la competición en tu móvil iPhone o Android
Contactar con el organizador
Enviar mensaje

Su navegador no ha sido capaz de cargar todos los recursos de nuestra web, es posible que hayan sido bloqueados por un firewall, un proxy, algún complemento o la configuración de su navegador.

Puede probar a pulsar Ctrl + F5 o Ctrl + Shift + R para forzar a su navegador a intentar descargarlos de nuevo, o si esto no funciona, a utilizar otro navegador o a contactar con su administrador de sistema o proveedor de Internet para solucionar este problema.