O Moaña, máis preto da fase de ascenso a DHPF tras vencer ao Meaño
Partido clave para conseguir praza na fase de ascenso a División de Honra Prata Feminino (DHPF), onde as locais (Moaña) dominaron o marcador de principio a fin. O partido, que se esperaba emocionante e cheo de intensidade, estivo completamente dominado por un Moaña ao que lle saían todas as accións de cara fronte a un Meaño que parecía non estar na cancha.
Cos dous equipos coñecedores do xogo rival, as de Cynthia Bello non foron capaces de meterse no encontro. O Meaño é un equipo moi novo, co 95% de xogadoras disputando o seu primeiro ano de sénior e incluso algunhas inda sendo xuvenís, mentres que enfronte estaba un conxunto que leva anos traballando polo seu prezado obxectivo, con moita experiencia e peso na categoría e que cada vez están máis preto de dicir que este ano si xogarán a fase. Resultado final, 39-28 a favor do Moaña.
Noraboa Moaña pola constancia e traballo!