Ourense acollerá esta fin de semana as finais das Copas Federación Xuvenís

Ourense acollerá esta próxima fin de semana (1 e 2 de xuño) as fases finais das Copas Federacións Xuvenís masculina e feminina.

O sábado 1 de xuño a categoría xuvenil masculina pechará a tempada coa final da Copa Federación de Segunda División -  Grupo Sur, que enfrentará ao Balonmán Pabellón Ourense e a UB Lavadores de Vigo (12:30 h, Anexo Os Remedios). Os ourensáns, despois de vencer na Copa Diputación o pasado sábado, buscarán unha nova alegria, esta vez diante da súa  afección.

Pola súa banda, na categoría feminina o Pabellón Ourense también exercerá de anfitrión na fase final da Copa Federación. O filial do BM. Porriño será o rival das ourensás na semifinal 1, que terá lugar o sábado 1, ás 11:00 h, Anexo Os Remedios). As gañadoras deste choque xogarán a final o domingo 2 de xuño (12:00 horas) ante o BM. Lalín, que se impuxo na outra semifinal ao Guardés (29-34). O choque no que se decidirá o terceiro posto xogaráse ás 10:30 horas do domingo entre o perdedor da semifinal 1 e o  Mecalia At. Guardés.

Moita sorte a tod@s @s participantes!