ACANOR NOVÁS, CAMPIÓN DA COPA FEDERACIÓN

Acanor Novás proclamouse o domingo no Rosal campión da Copa Federación, ao superar na final ao Hierros Miguel Seis do Nadal por 30-32.

 

O Seis do Nadal mandou nos primeiros minutos do choque, ata que no minuto quince, o Acanor acadou o empate (7-7) e a partir dese intre estivo sempre por diante no marcador. Ao descanso, 14-18.

 

Na segunda metade o Novás logrou unha vantaxe máxima de sete tantos (17-24), que o Seis do Nadal foi recortando, pero sen posibilidades de darlle a volta ao marcador. Ao final, vitoria para o Acanor por dous goles (30-32).