Federación Galega de Balonmán
10/07/2019 a les 15:37
Capçalera

Dous triunfos galegos na primeira xornada do Torneo Infantil de Cangas de Narcea

Dous triunfos galegos na primeira xornada do Torneo Nacional Infantil de Cangas de Narcea, que se está a celebrar en Asturias do 10 ao 14 de xullo. Galicia feminina gañou a Extremadura e a selección masculina foi moi superior a A Rioxa.

Infantil feminino: Galicia 21-14 Extremadura.

A selección galega infantil feminina comezou o Torneo de Cangas de Narcea cunha vitoria fronte a Extremadura. Non foi un choque sinxelo. Os nervios e as inseguridades das nosas deron lugar a un partido con moitos altibaixos, tanto ofensiva como defensivamente. Así as forzas estiveron moi igualadas e ao descanso chegamos cun curta vantaxe para Galicia (8-6). A medida que o partido avanzaba, as minigalaicas ían sentíndose mellor na pista e pouco a pouco foi aumentando a vantaxe no marcador ata o 21-14 final.

Galicia, 21: Irene Ríos, Lidia Sanda, Iria Augusto, Nerea Patiño, Antía Fernández, Shaila Fernández, Uxía Fernández (3), Alba Martínez, Iria Benaches (2), Silvia Sánchez, Aine Roca, Sara Pereira (6), María Jiménez, Estela Misa.

 Mañá a selección xogará contra Madrid (13:15 horas)

 

Infantil masculino: Galicia, 37 - A Rioxa, 16

Vitoria contundente para Galicia masculino no primeiro partido do torneo ante, a priori, o rival máis débil do grupo. Nos primeiros minutos, os nosos non estiveron excesivamente cómodos, pero a pesar diso mostraron a súa superioridade escapándose un pouco no marcador. A medida que pasaban os minutos foron soltándose un pouco ata chegar ao descanso cun 21-11 no marcador.

A segunda parte comezou moito mellor, con máis seguridade en defensa e aproveitando as transicións para acadar goles sinxelos e aumentar aínda máis a renda.

Galicia, 37: Diego Otero, Pablo López (5), Xulio Fernández (3), Eloy Pérez (2), Alex Alonso (7), Xoan Fernández (1), Alejo Varela (2), Brais Cangado (3), Nicolás Giráldez, Anxo Fernández (4), Antón Casas (2), Roi González (1), Yago Raimúndez (3), Manuel Lorenzo (4).

Mañá xogarán contra a Comunidade Valenciana (17:15 horas)


0 M'agrada · 0 Comentaris

M'agrada
Segueix tota la informació de la competició al teu mòbil iPhone o Android
Contactar amb l'organitzador
Enviar missatge

El seu navegador no ha estat capaç de carregar tots els recursos de la nostra web, és possible que hagin estat bloquejats per un firewall, un proxy, algun complement o la configuració del seu navegador.

Pot provar a prémer Ctrl + F5 o Ctrl + Shift + R per a forçar al seu navegador a intentar descarregar-los un altre cop, o si això no funciona, a utilitzar un altre navegador o contactar amb l'administrador del sistema o proveïdor d'Internet per solucionar aquest problema.